«كەز كەلگەن جەردەن كالكۋلياتور, پرينتەر, قۇلاققاپ, پەرنەتاقتا سەكىلدى ىستەن شىققان ەلەكتروندى تەحنيكالاردى كوپتەپ كەزىكتىرۋگە بولادى. جۇرتشىلىق ولاردىڭ جوندەۋگە كەلمەيتىنىن بىلگەنمەن, قايتا وڭدەۋگە بولاتىنىنان حابارسىز. سوندىقتان ماكۋلاتۋرا رەتىندە وتكىزىپ, مۇنداي قالدىق زاتتاردى كادەگە اسىرۋعا بولادى. اكتسيا سول ءۇشىن ۇيىمداستىرىلىپ وتىر», دەيدى تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باس مامانى قۋان ەسىموۆ.
ەندى اكتسيا اياسىندا جارامسىز ەلنەتروندىق جانە ەلەكتر اسپاپارىن «ۆتورچەرمەت» جشس ەش كىدىرىسسىز قابىلداي الادى. ولاردىڭ قۇرامىندا ادام اعزاسىنا قاۋىپتى حيميالىق زاتتار بولعاندىقتان, الماتىعا ارنايى وڭدەۋگە جىبەرىلەدى. ال تاپسىرۋشى تۇلعالارعا سىي-سياپاتتار كورسەتىلەتىن بولادى.
«ۆتورسىرە» كاسىپورنىنىڭ ديرەكتورى قايىرجان ءايسيننىڭ ايتۋىنشا, «ەكولوگيالىق مارافون» اكتسياسىنا قاتىسىپ, قاجەتسىز دۇنيەلەردى تاپسىرعان مەكەمەلەرگە كەڭسە تاۋارلارىنا جانە كوشەتكە سەرتيفيكات بەرىلەدى. شارانىڭ باستى ماقساتى – اۋانى لاستاماۋ. بۇگىنگە دەيىن 40 توننا ماكۋلاتۋرا مەن 4 توننا ەلەكتروندىق تەحنيكا قابىلدانىپتى.
اكتسياعا قاتىسۋشىلار ءۇشىن "سوكول" جانە "كورونا" ساۋدا نۇكتەلەرىندە قابىلداۋ پۋنكتتەرى جۇمىس ىستەيدى.
ءومىر ەسقالي, «ەگەمەن قازاقستان»